返回列表 回复 发帖

ꀘꅇꇐꀳꐛ

本帖最后由 博哲目旮 于 2014-12-17 20:09 编辑

    ꀘꃆꃀꈐꏭꅇꂷꄜꇐꃹꅶꊽꉈꑟꈻꌧꇗꐥꃅꅇꒃꉐꒃꋽꄟꐋꀋꌡꑠꀊꑌꐯꀊꑌꃅꐊ

ꅇꂷꋌꈧꌌꈆꑪꉜꇐꁱꀕꁌꐨꁆꏯꈴꄉꌬꇬꆈꌠꅇꂷꋽꇐꁧꎆꌇꆣꇁꌠꉬꅺꌡꇬ

    ꈿꆹꐭꃅꈿꊪꆹꒉꃅꊪ——ꃅꇏꀄꊭꍈꉬꑴꇬꈮꈜꃅꊪꏦꄉꅊꇈ

    ꍂꆹꀑꐎꎴꃀꆹꎐꏂꉢ——ꈎꄜꀊꑌꃅꊌꅊꇈꄸꐯꉌꌒꄀꅇ

    ꐰꇑꑌꅉꑌꈐꉘꉆꅉꉆ——ꃌꒆꋯꑌꐮꉂꐯꑟꌠ

    ꆫꅉꆫꃬꅉꃬꁯꅉꁯꈩꅉꈩ——ꑌꁨꑿꈚꃮꍅꃬꑐꑷꋦꅡꊫꁏꀊꑳꈩꅲꀜꅲ

    ꒌꋚꁣꋚ——ꐰꇑꈐꉘꆦꌠꋠꅍꂷꇁꀋꃋꌌꄹꃥꀊꒉꌵꌠꋚꑌꒉꎔ

    ꑴꇔꄉ——ꋍꀂꏽꑽꃤꀋꐥꃅꄉ

    ꎽꀮꏬꑃꊝꃮꃀꏣꅑꊝ——ꈀꒉꈁꆹꅉꇬꊝꋽꃅꊌꐪꐥꇬꎷ

    ꌋꒌꌋꐊ——ꐥꐨꉌꊋꑌ

    ꒌꌭꆠꌫꌋ——ꊿꋋꍐꃪꌊꌋꉇꃅꐺꌠꊿꑠ

    ꐰꇑꄮꇱ——ꃌꒆꐮꁏꌠꂘꑴꐯꇯ

    ꀘꃆꃀꇬꅇꒃꉐꒃꋽꌠꅇꂷꑠꌐꀋꉆꃅꐊꉜꇐꁱꀕꈲꋌꀋꃷꎵꃅꆎꉘꄐꌠꀋꄹꄷꆏꐂꄚꃹꇬꆹ

ꀊꑳꁬꐎꋃꆧꈹꌠꀋꏯꉈꑴꋍꂷꊌꆏꁧꂿꉂꊁꋍꂷꊌꆏꁧꂿꉂꃅꉙꀕꐚꃅꀱꇁꊋꀋꉂꌠꉬ

ꃅꃴꌩꂱ
返回列表